無謂的報紙頭條

我就快變成傳媒監察，不過東方同星島呢兩家報社真係太過份，唔寫低佢都唔得。尋日有新世界俾人連環破壞，又有曾特首講政改，點都唔係無大新聞做頭條。偏偏東方(即係太陽)同星島就用朱培慶拖女做頭條。

新世界多處被刑事毀壞，雖然只是釘對新世界集團，但匪邦的明目張膽，也叫人擔心香港的治安，如果是業務糾紛而變成暴力行為，更叫人心驚。大多的報紙，例如：明報、蘋果、新報、South China、成報、商報、文匯，都以此為頭條。

東方、太陽、星島就以「獨家」撞破朱培慶拖女為頭條。或者朱培慶婚外情作為週刊封面，其實都幾適當，但作為日報，就無聊，一個廣播處處長有婚外情，關一般市民乜事，又會令港台工作效率差左？仲係幾十年前咩，以為孝順既就一定係好官，而家好清楚知道有無婚外情同工作能力係無關係，總唔見得呢個道德佬布殊管治能力叻過食雪茄既克林頓。而且又會兩間報社都一齊撞破，一齊做獨家咁開心，真係講都無人信。

咁樣做新聞出黎，咁都可以自覺有公信力？可惜香港有好多低能人去支持佢地，包括我老豆。